هواي نشوف حبل إبركبة أطفال
صدك ملفوف بس أطفال متصيح
لإن فرحانة جانت رغم ألجروح
وكل ظنهة ألحبل يصبح مراجيح
ظنوهة ألمشانق تشفي ألجراح
وهي جمرة وعليهة إمرادف ألريح
عجبة تشوف طير بغير جنحان
يطير وما يحط عالكاع ويطيح ..
وعجبة تشوف نجمة إتحرث بالكاع
وعجبة تشوف ظلمة إبلا مصابيح
لإن بارت ألكاع إمن أليموتون
ألكمر يحرسهة ظل إمن ألفلاليح
عجبة تداوي جرحك وأنت مجروح
وأمس بالملح داوينة ألمجاريح
وعجبة ألسيف يعزف فوك ألركاب
ومو عجبة إذا نركص مذابيح
إنتمركص بالذبح من تعزف سيوف
ونغني وسيل دمنة بكاعنة يسيح
خاف إنوب نغرك وألدمة تفيض
ألتهينة إبضيمنة وجبنة ألسوابيح
وقفلنة بيوتنة من أكلوب ألأموات
وما ترهم علة ألميت مفاتيح