المقاله تحت باب  أدب شعبي
في  30/10/2007 06:00 AM
GMT

طخ راسي الثلج والغيم مرني اصفاح
طر في الزلوف وخوف اسنيني
صبغ كلبي حزن تالي الشباب الطاح
فوك الحيتي كوه وكام يوليني
حنه ظهري بشبابه وكطع تالي الراح
اذا انهض اصفاحي تكوم تلويني
خفت يخطف ضوه الماشوفه كل مصباح
ويبوك بغوه العشرين عشريني
تراف الشيصمله بوهلة السباح
بس ايشيب الها تشوفه عوويني
من يشري ويجلب للوركها املاح
بس بخت الغرو ومحد يشاريني
يبهرنه التدكه اجفوف باليابان
بس منهو اليجلب المصنع الصيني
كسر في الكواسر غطه كل العيب
وبشمس الظهر فضحو روازيني
كشخ خاوي النخل والماعرفله الكاح
واجاني الشيب يضمن كل بساتيني
ولك وصلت بعد والدمع طرف اسلاح
اذا يضحكلي شيبي الهم يبجيني
انشهن غاد انشهن زفر مامش فاح
لاجن بس ارد تطلع بزازيني
اصبغهن واكوم وبس ثلث تيام
يرد راسي الوفر والغيم يلكيني
اشدها وماتشد والروح عيت حيل
احاجيها بشفاكه وماتحاجيني
كرف تالي البزل اخر ملح بالروح
مصخ ملحتي وصار ابيض ابطيني
احدهن بالسنون وكلت بعدي ازغير
تالي عيوني عميه وعميه سجيني
دخان العمر يطلع توالي الشيب
واذا جويه بجمر محد يطفيني
لاينفع صبغ لاكحل يسلي العين
ولاضحك الغزل يكدر يسليني
ثلج الراس بارد من تشوفه الناس
بس انا من اشوفه يكوم يجويني