المقاله تحت باب  أدب شعبي
في  21/10/2007 06:00 AM
GMT

معقولة ما حسيت بينه نحبك
سنين صار و ما تحرك قلبك
تعوفنه و تروح للي يعذبك
بعيونه غمزنالك
بالايد اشرنالك
تعوفنه و تروح للي يعذبك
وك معقولة

ودينه اقرب ناسنه و شرحولك
عن المحبة البقلب وصفولك
حس بينه يبن الناس فدوة لطولك
بعيونه غمزنالك
بالايد اشرنالك
تعوفنه و تروح للي يعذبك
وك معقولة

بس دير عينك يمنه الله يخليك
لو ردت وحدة من العيون انه انطيك
كل الحجي هنوب ما اثر بيك
بعيونه غمزنالك
بالايد اشرنالك
تعوفنه و تروح للي يعذبك
وك معقولة

حس بينه راح نموت يل ناسينه
يلي نفكر بيك فكر بينه
شيصير لو مرة تجي تحاجينه
بعيونه غمزنالك
بالايد اشرنالك
تعوفنه و تروح للي يعذبك
وك معقولة