المقاله تحت باب  أدب شعبي
في  21/09/2007 06:00 AM
GMT

يبو جفون البراري البيه صيد صكور
و رموشك شلب و تضيع الخيال
تيهت الحقيقة و صار عندي اوهام
شعرك على متونك لو مشمر الشال
عشكك مرض بيه و يسري ويه الريح
نشرته السوالف راح يعدي اجيال
جنك مدري شنهي هواي ضاعن بيك
و اظلم حاجبك لو كلت جنه هلال
و شلم شعرك لوحدي و هل خذاني الليل
ظل باجر و اجيب من الصبح عمال
ياهوه اليلومك لو تظل اليوم
قانون العشاير و الحرام انشال
انه ديانة ظماير و الفتاوى البيض
و افتيلك بظلتك ما عليها اشكال
و انه جبال الكرامة اعترف بس ذليت
من شفت على صدرك ناضجات تلال
لمسعك شعر يسمر لا تظن مسموع
و اغنيلك قصيدة و دارمي و موال
و اوشل الليل كله وياك و اسكر بيك
و انعل ابو بليسك موش لعب عيال