المقاله تحت باب  أدب شعبي
في  06/09/2007 06:00 AM
GMT

كتبنا لمنتخبنا اشعار...ورسمنالة على خدود الكمر نجمة...
وعلى خدود الصبايا العلم خطينا...وعزف وية الكلب نغمة...
وهتفولة بفرح من زاخو لحد الفاو...فرحانة الشواطي وهبت النسمة...
هذا ابن العراقية التعرفة الناس...ما جلت زنودة وما تعب عزمة...
فك كلوبنة ملخوص بيهة وشوف...تلكة بكل كلب رسمة...

هذولة الى وحدونا يا ساستنا العراقيين...من عدهم تعلم واعرف اللزمة...
جيب الكاس صاحولة يا ابن همام...خوال جسوم هذولة البيهم الرحمة...
وتلكاهم محمد راشد المكتوم...واحد ما يصير ثنين هذا شما تعد رقمة...
هذا خالة الشيخ زايد بيلغ العربان...وابو راشد معدل والكرم عمة...
يونس ما كبس لوما قدم هوار...ومن نشات وسطنا يندل المرما...
ونور الحرس مرمانا يا نور العين...صد كل القذايف بيدة وبجدمة...
ضحك وجه الحزينة الدامعة النازفة بغداد...ورسم فوك الجرح بسمة...
عفية ابن العراقية بطل يضل مقدام...ما نام بسفح واكف على القمة...
فاركنا الفرح واليوم فرحانين...مثل فرحة طفل من شاف وجه امه...
منهو الكالك حنا العراقيين متفرقين...اذا صاح العراق عراقنا نلما...
شهيد الطاح منا وشنزف عالكاع...بس اسم العراقي يكتب بدمة...
وامت العرب دوم تشيل بينا الراس...اذا مات العراقي ضاعت الامة...
جمجمة العرب لامة العرب نبراس...مثل شم النسيم ترابهة نشمة...
من الله خلقنا تمر علينا اهوال...بس ابن العراق اهوال متهمة...
جمع كل الذيول الجاية من بعيد...وفراهم بجفة ونترس صمة...
وطكهم طكت المالوم من يختاض...وخلة الزين بيهم يسبح بدمه...