| امنيات |
|
المقاله تحت باب أدب شعبي اتمنه تعود الضحكه وتودعنه الاحزان ****** واتمنه يعود الفرح والاحلام وياخذنه الوطن ما بين الاحضان ****** واتمنه الغريب الفاركك اهله يعود وتصير المحبه بناسنه العنوان ****** وبغداد الحبيبه تضوي شمسين شمس لاهل العراق وتشع الاكوان ****** تزهي بكل شعبنه وكل الاطياف ويجمعنه العراق بكل الالوان ****** وتلمنه جنوب ووسط وشمال ومن تشتكي البصره تنادي كردستان ****** دعواتج يايمه بوكت الغروب ادعي الله بحنينج ويه الوذان ****** ملينه الصبر والصبر محدود ليمته الموت حارس على الاوطان ****** يحصد بالبشر هلصار اله سنين ويرد ردود حتى الموت زعلان ****** ما ضنه ارتوا من دم الاطفال يشرب بالدماء وبعده عطشان ****** كافينه دماء وكافي تفجير خلونه نتصافه ونطرد الموت ويظل اسم العراق البينه عنوان |