|
|
 |
|
قداح |
|
|
|
|
|
|
تاريخ النشر
21/10/2007 06:00 AM
|
|
|
قداح تدريني جنت
وتدري السنابل ياترف
هم تضحك
وتدري بصبر كل العر
لحظه وذبل قداحي
وانا الجنت فيّ وبرد
تالي اصبحت نار وتعب
وصار الحزنمرجاحي
وحتى امل عمري ذبل
ومني الكـلب مل وزعل
ليل ومات بالحسرات
مصباحي
وامشي وجدم حظي يرد
واكعد واعد
عمري الكضى
جذعه بنهر
واطوي الفرح بنياحي
واصفن واشم ليل البشر
بردي احتركـ
وانا الاضل
احلم وضنن صاحي
عطب عطر روحي وخنكـ
ياسي
وكتل فوّاحي
وماي النهر من حركتي
شب ونشف
وارعد رعيد براحي
تلعب لفاعي بالبشر
خلت ملح بجراحي
لامن يلم حيلي 0 ويتم
ولامن يطشر راسي
وسط الحلم كمره وسلم
وبين الصحو
ظلمه وادور ناسي
لاعين تضحك بالدرب
لادمع يشفي احساسي
لا روح تهوى وتشتهي
لا كلب يقبل يلتهي
والجف يرد بكاسي
ظلمه ودرابين الدهر
كلهن عثر
والصبح جدا عالي
وحتى شمسنه لوأجت
تشكي العذاب الحالي
ماتدري بعيوني رمد
وارخص ذهبنه الغالي
لاشفنه تين ولارطب
والسله ضاعت تالي
باعونه برخيص التتن
كل يوم بينه معرسين
وتصرخ دفوف المزعطه
ما كن الوف الميتين
موتى وصبح حتى الكبر
سجان مايقبل حس
لا وين نبقى بلا صبح
لا وين نحجي تبسبس
يا روحي كعري بلا مدى
كافي بونينج تكضين |
|
رجوع
|
|
مقالات اخرى لــ أسعد السواد
|
|
|
|
|
|
انضموا الى قائمتنا البريدية |
| | |
|
|
|
|
|
|
|
|
|
|
|
|
|
|
