هذا الموت
جسر لللانهاية عليه كلنه نفوت
هذا الموت
هاجس يبتدينه بلحظة التكوين
و يرافكنة العمر من غير ضجة و صوت
على جف المناية مشرغدين ننام
و نلهث على الدنية و نبني بيها بيوت
و نتعافة و نذم بالخلك هذا و ذاك
و على غفلة زرك جدامنة التابوت
حاضر و اربعينك بعد ما حلت
و روحك يالعزيز بروحنة نشدت
يل حاضر عزاك تعزي المعزين
و تسكت الناعي العبرته احتدت
يا عصر الفواتح يا زمان الموت
كافي من الذبح مو ناس ما ظلت
ضاكت كاعنه من كبور فوك كبور
فوك كبور اهلنه كبورنه تعلت
كل يوم بهبية و كل صباح بويد
مثل سف الحصيرة الزلم تتسلت |
