على جفني مطر والغيم عصرة موت

أذا أرمش زعل يلمظ سواد العين

هيمه وصبخه أجيت مناحر أعله الصوت

أيد أبايد تحدي أجروحي والسچين

أطم أول جرح وأتراب أهيل اعليه

أرد اردود اشوفه امخّضر اعله الطين

ينفخني نزيفه ويصبغ آخر ثوب

ويلبسه أنتفاضه وكل قميصه أحسين

يعلن ضوه ألثوره وكل نجم سردوج

وتّوج ألمناجل من ضوه ألرجلين

أمتد ألعذر شط أعله طول ألمات

هاذه آخر حصاد وهاذا آخر دين

عرگ أول جبين وخجل آخر عار

وگطرات آلمذله تغسل ألميتين