|
|
 |
|
دمع الخارطة |
|
|
|
|
|
|
تاريخ النشر
01/09/2007 06:00 AM
|
|
|
يــــــاهـــــل الكالك على النجم مامحسوب
كـــــل ليليـــه التمر عيوني حـــــاسبته
لتكَـَلي الصخر مــــــــايشتكي من الروج
بس هـــو المصيبة انخــــلق للسكتـــــه
يـــــــــاهل الكالك للدمــــــــع ضلت عين
وانت تكلــــي دمعـــك لــيش نشفتــــه
عمر مـــــــاينحسب وسنينه تجري دموع
وابجي انه على واحد عمري مــاشفته
مذنب بـــالعلن جيه مــــــا لعنت ابلــــيس
واكفــــر بالذنب بس روحي عــاشكته
اعمى المـــــلح جان يدور على الـجروح
عفت جروح غيري الجرحــي وصلته
انـــــه مدوخ انه شلون مـــــــدري شلون
لا اقبــــل اصيـــاح وارفض السكتــــه
جيه نكتة الزمن ســــــــوانه للبـــــــــاقين
ما حب الضحك وابجي على كل نـكته
موجودة الشمس وانه الح على الفـــانوس
وفــــــــانوس النهـــار النـــاس لابسته
توه الجـــــــرح ســــــد شفافة راد ايطيب
وانـــــه على البخت رديت ضحكتــــه
جيه كلت القفص ارحـــــــم من الصيــــاد
كل طير على غصني النوب مـــاشفته
ضمير مــــــن التعب خيرتـــــه بين وبين
قبل يصبح حـــزن بس مــاقبل نكتـــه
مـــــاعندي كلب وابجي على كلشي يصير
ابجـــي عــلى الورد جيه فقد منزلتـــه
ابجي عـــــالوكــــــف بالسرة ومـــا مشوه
وصل يمه السرة وغيرة الأخذ حصته
وابجي على اليعزي بروحه لمن مــــــات
طب الفـــــاتحة ومـــــايدري فـــاتحته
وابجي على اليشكـَ الخـــارطة ومرتـــاح
ونسه بيته وجهــــاله بوسط خــارطته
وابجي انه على شاعر صافن على الناس
بس هي الحقيقة النــــــاس صـــــافنته
وابجـــــي عــــلى اليتيم البـــــاع فرارات
ويكتلة القهــــر من تحـــل مــــدرسته
الحضارة من الصدك ماتعني كومة حجار
كون الوطــــــن كل الناس عــــاشكته
وابجي على الوطن من راد يرثي النـاس
نسة بيت القصيـــد وانـــــــه كملتــــه
مــــــــــــــاريد بعـــد رجــلين يمشن بيك
جية شفت العلم رجـــــلين ســـــاحكته
تـــــــــاريخك مزور يا ابوا النهريـــــــن
بس كلب اوراقــــة تشوف مهزلتـــــه
تهوس للخليفــــــــة مــــــــن الصبح لليل
سَوّيتوا نبي والسمــــــة البــــــــاعثته
الخليفــــــــة احتل بلد شرد اطفالـــه بليل
لان جــــــارية بهذا البلـد عاجبتـــــــه
مـــــــــــاعوفك وحــــك يــاوطن للموت
حبك لزمـــــة اعمى الروح لازمتــــه
رغم كــــــــــل الجرة منك عليـــه يهون
وجيه دم ركــــــبته الرجليك سددتــــه
الشجرة من الثمر حصلت بس حجــــــار
بس ظلت عـــــــمر للنــــاس شـــايلته |
|
رجوع
|
|
مقالات اخرى لــ علاء الياسين
|
|
|
|
|
|
انضموا الى قائمتنا البريدية |
| | |
|
|
|
|
|
|
|
|
|
|
|
|
|
|
