ابد عشكك الوطن ما ينشرى**وبالذهب ما ينباع

هواك الخضر بروحي*

وعشكت ترابك وطينك**عشكت الكاع

عنبر من يمر طرواك**

نسمه تداوي دلالي**ياكلك وفه يابو طباع

ودلالي محطه لكل حزن***وفراك ووداع

صار كليبي نبع الماي**يروي الضامي والعطشان

وهو من العطش يلتاع

بس ترحال خلصنه العمر بسفار**كل يوم بمحطه

ووحشة المحتار

كافي يالعراقيين**كافي من الاْلم والنوح والغربه

صيحوا**وانخوا يا بغداد

مدي ايدج على جنوب العراق وحضني البصره

صيحوا **وانخوا يا بغداد

موش انت اللهب والنار والثوره

جم طاغي الدفنتي***وضاعت اثاره وتلف كبره

ومن سنين جان اسمج يهز الكون والدنيه

وما اضنج تجافين العراقيين**والناس التحبج بس

تجر حسره

تعاي وشوفي حال الناس المحبين**شوكك وحزن

ومعاتب***مثل ليل الشته اليتنطر الكمره

مدي ايدج يالحبيبه**

مدي ايدج ومسحي دموع المحبين

وبلياج كل واحد بصدره مكسره العبره

هذول احنه**بعدنه نحبج ونهواج

وصار الشوكك بينه الثار**يذوب

ويحترك جمره

وكل يوم اليمربينه**دهر وسنين

والمنحور لا بد ينتهي صبره

يا بغداد**وين الثاروا بمكوار*وين

الياخذ بهالثار**وين الزند والتفكه

وين الفجروا العشرين**شبوا نار بالدنيه

وغدت ارض الوطن طاحونه

كل الناس تعرفه

وابوا ناجي درس من عدكم تعلم**وهذا

الدرس موش الهم**خلي العالم يدرسه

هذول احنه شعبنه السيف والمكوار والخنجر

لابد ينتفض ويزيح هدا الظلم من اصله

بحيل الله وابو الحسنين

بحيل المصطفى المعصوم ابو الزهره