ياوطن يابو الحضارة ياجبير وعالي صيتك
بالشمس حطيت عيني وكاعد بنصها لكيتك
ياكريم العرب انت وفاتح الهم باب بيتك
ليش يمداوي الجروح الناس ترتاح بأذيتك
طحت جن محد يعرفك وانت ابو التاريخ ذاك
وجنت أولهم بكلشي توكف وهمه وراك
جاعوا انت الشبعتهم ولما طاحوا ساعدتهم
ليش يمحير الدنيا من طحت محد أجاك
لكن أثبت وأصبر الها الريح ماتكدر عليك
واكف اتظل اعله والعواصف تمر بيك
وباجر تعود لمكانك شيخ والعالم تجيك
وشوف اذا ماترجع انت ورجعوا يبوسون اديك |
