*كل التهاني كل الحب لاسود الرافدين الابطال، لعبتوا وكفيتوا ياابطال .يامن زرعتوا البسمه والفرحه في قلوب كل العراقيين وكلتوا للشعب انتم شعب واحد الفرحه لكم جميعا والحزن يعم الجميع و كلتوا للعالم ان العراق واحد وان الارهاب غريب وسيسحق هذا الدخيل ،التحيه لكم ياعراقيين من حمرابي وسنحاريب الى هارون الرشيد وانت نازل رغم الطسات ، هنيئا لكل عراقيه بنت او ام او بيبيه ولكل عراقي لابس عكال او لا هنيئا لاطفالنا في المدارس والجامعات وبكل مدن العراق بالعماره والسماوه والموصل وكردستان وبكل بقاع الدنيا من السويد الى جاكارتا ومن ملبورن الى كندا ، تحيه للاخ الارمني العراقي ابو رامي الذي من صياحه بفوز العراق كعدت الناس بحي لافران بلوس انجلس الساعه الخامسه صباحا ، الكل يصيح يالله ، كل المعلقين العرب ابكل المحطات اصيح يالله ، عاش يونس ابو ذنون وعاش نور البطل الذي صياحه وفرحته وهو يبكي لا تنسى من ذاكرة العراقيين تحيه لقصي وهوار البطل ولناجح حمود الذي ابدع في توصياته للاعبين ونقل للعراقيين كيف ان يتوحدوا تحيه للجميع .
*التفجيرات التي طالت العراقيين الشرفاء الذين احتفلوا بفوز العراق عراق الجميع ال50 شهيد انطت درس للجميع ان المستهدف هو العراق جميع العراق فالذين احتفلوا هم كل اطياف الشعب العراقي والذين فجروا استهدفوا كل العراقيين ، هؤلاء المجرمين لا يريدون ان تعم الفرحه على وجوه العراقيين هؤلاء حثالة القوم هؤلاء بلا شرف ولا اخلاق ولا دين هؤلاء امهاتهم زنت بهم هؤلاء منحرفين اخلاقيا ، والله من يقتل ابن بلده هو سافل ومنحط وساقط هؤلاء تكررت اعمالهم ضد العراق شعب وتراث وثقافه فاستهدفوا جسر الحديد واستهدفوا شارع الثقافه في شارع المتنبي واستهدفوا عمال العراق وطلبته ( وشتطلب من فاقد نفسه وشرفه).
* الحكم الكويتي كان قاسيا على العراقيين وخاصه اللاعب قصي الذي انذره لفعله فعلها اللاعب الكوري اما صفارته كانت حاضره لاعلان اوف سايد على المهاجمين العراقين ، ادري شنسوي لخشم يونس شويه طويل لو طلع خشم ابو ذنون وره اللاعب الكوري الحكم دك صافره اي موا 3 مرات المهاجمين الكوريين بالتسلل وما دكيت صافره ياحكم ياكويتي ، اما الحكم الرابع ابو كرعه والذي كان السبب في ابعاد الفريق العراقي من دورة الخليج جان من ضمن طاقم التحكيم .
*ذكرت الانباء ان السيد حارث الضاري رئيس هيئة علماء المسلمين راح يتوسط لحل الخلافات بين جماعة ميشيل عفلق اذ سيتوسط بين ميشيل عفلق (1) بسوريا وميشيل عفلق (2) باليمن لانه واجب اسلامي لان الشرع الاسلامي يكول لازم يكون الرئيس العراقي شعر راس احمر وراح يكون شعار هيئة علماء المسلمين (بالروح بالدم نفديك ياابو شعر الاحمر) وافكارنا مستوحات من الرفيق المؤسس عفلق.
*هز التمر يانخله ، يوميه جبهة التوافق تهدد بالانسحاب وكانما خلقت للانسحاب ، ما هكذا تدار السياسه ياجبهة التوافق وشيلوا من بالكم شعار ( لو العب لو اخربط الملعب ) واذا تردون اتحضرون مؤتمر ضد الاحتلال في دمشق الذي راح يحضروا الابطال المعادين للامبرياليه الامريكيه امثال المطلك الذي يمتلك اكبر شركه تتعامل ويه الامريكان ومكانها بحي الجامعه ابغداد وكذلك البطل جواد الخالصي والبطل القومي سعد البزاز ( ومن هل المال حمل اجمال ) اني اكول لجبهة التوافق خلوا الوطن بعيونكم وهذه النظره الطائفيه شيلوها لاجل العراق واذا انتوا مصرين (فدفعة مردي وعصاة الكردي ) وياكم اخذوا الجهله جماعة الصدر ( ورحم الله من زار وخفف ) وانشاء الله يبقى العراق بلا عمايم ولا سدارات .
* طالبان فرع القاعده في جمهورية افغانستان العظمى اطلقوا سراح مختطفين اجانب والان كاعد يتفاوضون لاطلاق سراح المختطفيين الكوريين لقاء مبالغ لانهم بامس الحاجه للفلوس اما فرع القاعده في بلاد الرافدين ما يساوم على الفلوس لان تجي الفلوس بالمليارات الدولارات مع ريحه نفط واضحه فابطال القاعده بالعراق لا شرف ولا اخلاق اخر المختطفين هي الالمانيه هي وابنها والتي اعتنقت الاسلام ولابسه حجاب وساكنه بالعراق صارلها سنوات هذوله ما بحاجه للفلوس الاخبار اتكول ان 50 مليون دولار منظمه مجاهدي خلق راح تشتري سلاح من روسيا وتتقاسم السلاح ويه القاعده بالعراق هنيئا لرئيس الوزراء العراقي هاي المسائل اتم على ارض العراق .
*اكتملت الماركات التجاريه للمطاعم العراقيه في عمان واخر مطعم فتح ابوابه في شميساني كان مطعم مون لايت وما بقه بس ابو سامي ابو التكه والذي ينصب منقلته العصر لان الصبح جان هو فراش بمستشفى الحساسيه هذا ينصب منقلته بين ابو نؤاس وشارع السعدون ويسوي تكة لحم وتكة ضلوع واتمنى انه باقي على قيد الحياة لا المجاهدين الابطال لكفوه بمفخخه او عبوه ، وحافظ على نفسك ابو سامي لان كل معاميلك ينتظرون يرجع الامان للعراق وترجع اتفتح الصبح والعصر لان حتما تتطلع تقاعد اذا ما صرت وزير لان الصاروا مو احسن منك على الاقل انت شريف وما اتبوك وتقره وتكتب . والسلام عليكم .
aboslamman@yahoo.com |
